上星期行過見到街市有一包包鴨舌買
70幾蚊一包........好x 貴, 仲記得以前都係 10蚊8 蚊一大包..
算數, 反正真係見到想食........冇計....
材料
鹵水汁 一樽
花椒 10~8 粒
八角 一粒
桂皮 一支
鴨舌 一磅左右
薑蔥 少少
生抽 1/5 支 鹵水汁既樽
老抽 1/5 支 鹵水汁既樽
冰糖 半碗飯碗左右
蒜蓉 適量 (我落左 兩粒)
辣椒 適量 (我落左 半隻)
水 3支 鹵水汁既樽
做法
1) 鴨舌解凍薑蔥先汆水
2) 鹵水汁,, 生抽, 老抽, 花椒, 八角, 桂皮, 冰糖, 水, 滾起, 放鴨舌中火煮 5分鐘
3) 熄火焗 30分鐘, 再滾起煮 5分鐘 (宜家可以食架喇, 已經係鹵水鴨舌)
4) 開鑊, 半煎炸已乾身既鴨舌, 有少少燶邊即放蒜蓉 同埋辣椒碎
5) 炸到蒜蓉金黃色就可以拎起隔油, 回鑊中火快炒讚酒即可
我原本諗住整一大碟留番d 俾亞爸亞媽食
點知我同女皇食食下 得番少少....哈哈...
我地兩個人食左一磅 鴨舌, 痴左線
估唔到咁搶手.....
