http://www.openrice.com/restaurant/sr2.htm?shopid=47743
星期六放左工就快快手手去圓方醫肚, 即刻去 飲酒!!!!
一心諗住是但食個麵就算, 點知爆場
咁算啦, 去千兩啦, 又係爆...
咁望一望上面, 見到 丼丼屋 冇咩人
唔理咁多, 跑左上去.....
入到去地方幾大幾舒服
樓底又高, 又唔會有好勁既食物味
仲有d燈光都唔錯....
我同叫左兩個飯
一個 北海道三色丼同埋 什錦刺身丼
什錦刺身丼
色彩有夠豐富, 三文魚子夠挺身, 爆汁!!
甜蝦雖然得一隻, 但係就就足夠令你回味再回味
蟹子就好似假既一樣, 粒粒都好似識彈咁
三文魚夠肥, 油香十足
油甘魚, 真係又多油又甘香.
飯身就"痴", 有米香, 而且after taste 都好足..
算啦, 點講都冇用!!
真係好好食....
北海道三色丼
同一句講兩次 你唔悶我都悶啦
雖然用什錦刺身一樣
有甜蝦有三文魚子, 同埋帶子
睇黎就好似冇什錦咁抵食
但係正正就係款式唔多, 味道唔多
唔會令自己既味道咁易亂
仲可以慢慢食真d 個味.
各有各好
如果俾我再揀, 我會食三色丼
我估唔到亂打亂撞麵搵到間好食既刺身飯
我覺得我果次食仲好食過好多好多間出名既日本餐廳!!
下次我再食多一次多先..
試下其他既野好唔好食..!!
