東主有喜.....: 台北

2010年12月13日下午01:57

台北 - 北投 - 環境
唔講太多去片

再俾大家睇下我拍既酒店 Video

台北 - 北投 - 女皇 x 戶外
上星期未上機果時都病病地..
即刻去睇醫生架喇
點知去到我又野到女皇病
之後番黎琴日我同女皇都請左病假
前前後後五日冇番工
而且琴晚仲係女皇公司既 x'mas party
仲有好野食, 又有現金獎
乖乖地留0係屋企休息..
番到公司又大把野做

今次台北之旅影左好多相
真係好難一次過出所有相俾大家睇
今日就出北投附近既 snap shot 俾大家睇丫
因為我楂機既關係, 同埋女皇生日既關係
所以好少影到東主個樣出黎.....
女皇對眼應該俾我閃暈左架喇
唔講咁多, 做野先.....
睇住相先丫大家...

大家覺得背光既相點呀??
聽日再出第一晚溫泉酒店既食物相丫, 好好食架d野..
台北 - 北投 - 食物
我地第一晚住果間溫泉酒店
包一餐晚餐, 一餐早餐

晚餐

蕃茄清湯 - 好濃蕃茄味

糖心帶子, 蕃茄莎莎

南瓜海鮮湯

什菌意大利飯

紅莓雪芭

安格斯牛柳

五成熟, 好軟身, 又多汁, 煎得又香

酒店特送女皇生日蛋糕
我都打個突, 我都冇準備, 估唔到係酒店送俾我地

早餐

陽光活潑, 空氣清新

我既日式早餐
有miso 湯, 牛蒡, 雞油菌拌物, 煎三文魚, 珍珠米飯

女皇既活力早餐
有煙肉包白腸, 四式包, 炒滑蛋, 橙汁

一早就可以食到咁好既早餐, 真係好感激酒店俾我地既一切....

聽日去淡水..
開始不停食食食.......哈哈..
台北 - 淡水

女皇第一次黎淡水, 當然影番張先啦....

0係士林見到好多人排隊食 lee 個
見佢落好多好多芝士汁, 不過冇芝士味
同埋只係一舊炸薯蓉....冇咩特別..

但係女皇就覺得好好食, 唔知係唔係我個鼻塞塞地
覺得冇咩味...

我諗女皇食左 3/4 以上......哈哈..

lee 個好食呀!

一串串睇落好乾身, 冇咩味

一食落口就爆汁, 同埋豬肉味好濃, 燒得好香........讚好!!

每次去淡水都好想坐下既星佢兩巴

今次仲可以有機會坐到出面, 一路望住個海, 一路飲咖啡......超讚..

路過.......

綠葉上鏡.....

我幾鍾意lee 張, 覺得好有台灣感覺...

你睇我唔到.....你睇我唔到.......
唔知點解我同女皇咁肥呢..
可能支鏡既問題....哈哈....wide 左丫麻....

唔知佢諗緊咩呢......我只係知佢望住個海好耐...

咩黎架呢???

排隊先

哈, 原來係 A 貨波蘿油, 皮唔脆, 包唔軟, 牛油溶
但係就好多人排隊囉.......計番港幣都 12蚊左右架.....

冇呃你地架, 真係溶曬架.....

去台灣我必食大腸包小腸....
但係唔知點解冇得揀味架呢
以前有得揀辣椒, 蒜味, 黑椒味, 甜醬味....

我都係第一次食lee 個雪糕...
不過原來唔好食既.........又唔香, 又好似食冰沙咁.........

聽日去台北 101 信義區..
台北 - 101區

雖然是但食碗牛肉麵, 但係都好鬼好食.....

台北 - 台北車站

題外話
覺唔覺好少我自己既相~?
因為我唔鍾意上鏡......覺得上鏡同我本身個樣好唔同.....
同埋我都係鍾意楂相機影人多D........
台北 - 華西街夜市
聽講華西街以前係一個紅燈區, 同埋係台北最早既夜市之一

於是我同女皇就搭的士去睇下咩樣架喇.....

Lee 張唔係咁靚, 不過我都照放出黎.....

初初入到去只係見到兩邊都係食店
而且因為係舊區既關係
幾乎所有檔主都用台語對話....而且目光有少少惡死...

行行下買杯野飲.........40台幣一杯.......都唔平.....

飲落好清, 仲有少少回甘
就好似中環老字号一樣咁好飲.........不過40台幣都係貴D.

超頂癮, 豬油咁邪惡既野都叫正義.......
原來台灣好多間都用 lee 一隻豬油架.......
唔怪得咁好食啦d 野...

行到去街尾原來有另一個夜市.....

其中一檔賣豬...
我地仲買左條豬尾食..........80蚊一條....
都幾好食....一路飲啤酒一路食就最好喇..........

呃人既花生.............又貴又唔好食........

lee 檔野好多人排隊買......
應該係用麵粉蒸出黎既糕
有花生味有芝麻味....

即叫即整.....

用既工具都好特別.....好似好有歷史咁..

老板娘手法好熟..........

台北 - 東區
其實我都唔夠肯定果度叫咩地方.....
有d人話 101 先係東區, 有d人話忠孝果度叫東區...
是但啦, 反正都係一個地方咋麻......

台南出名, 但係台北都有分店. 而且一樣咁好食....

好多野揀.....而且全部對我地黎講都好陌生

原來我冇咩頭髮.....慘喇 lee 次

門口有一班哥哥即叫即整.....
而且個個都好好人, 笑容好親切添

女皇又影........

我又影......

擔仔麵, 應該係好多豬油, 蔥蒜肉碎煮出黎既野.........超好食..
麵質又爽彈

魯肉飯, 雖然通街都有得食, 而且我同女皇都食左幾餐魯肉飯
但係當我地食過度小月之後就認為佢係最好食, 最香口既一間

鹹蜆仔
用酒, 蒜, 薑, 辣椒生醃蜆仔....
超好食.......好香甜......100 個推介!!

我係咁食, 都冇咩理過女皇......哈哈....
三樣野都好值得推介俾大家,..

女皇好似幫人賣廣告咁......

lee 間野唔俾我影相.......所以只可以0係門口影....

賣既係半熟蛋糕.............都幾好食.....

你睇下佢個樣幾為食丫.....

原來我都係咁既樣.......

女皇又幫人賣廣告喇......
lee 個康是美好白痴.........
我同女皇搵左幾日都搵唔到.......
去左東區終於搵到........(勁買)
點知原來康是美通街都有...
0係我地酒店對面都有一間 (咁都睇唔到)

凍呀呢~~~~
我諗0係香港我唔會通街開閃燈係咁影相.....哈哈

我幾鍾意 lee 張.....

lee 張都好靚....

最滿意其實係lee 張...哈哈

題外話 : 大家覺得悶未, 出左咁多日台北既 post.........
原諒我啦, 因為你地知啦, 我平時只係星期六日有時間煮飯
但係過時過節例必冇時間, 個個星期六日都 full booking
同埋台灣d 相真係有d 都幾靚, 我真係認真想同大家分享....
台北 - 士林夜市 - 西門町
我自己都有少少頂唔順不停咁講台北...
大家睇我去台北好似去左 10日咁耐...
但係其實我地只係去左 4日3夜

西門町