上星期見無線個Annie 教整兩味茄子
兩個都係涼拌
不過我只係對其中一個有興趣...
面我都唔係 100% 記得佢點整
因為果時一路食飯一路睇
同埋我見一條茄子應該兩個人食唔曬
所以一半用左黎炆豬肉
一半用左黎涼拌..
好簡單, 只係將去皮, 切好既茄子拎去蒸5分鐘左右
之後準備個汁
半條茄子落一粒蒜蓉 同埋 少少芫茜碎
開鑊煮超滾既油..讚落去
之後即刻落dd 鹽 同埋雞粉, 再落dd 麻油...
攤一陣, 涼番少少就可以撈埋一齊....就咁食得架喇....
如果你地想食落的話, 可以落少少辣椒架....
不過我想講如果 大家想整的話,
而且對茄子 同埋蒜蓉有興趣的話
我提議一個人3/4 條茄子既份量都ok架
因為都幾惹味架......
