其實我都知算唔算日式.............
只係我用左好多日本野去整......
女皇食過都不停讚好......哈哈
材料 (二人份)
蘿白 1/4 條 (厚切再一開四)
蒜頭 一粒 (原粒去皮)
乾搖柱 一粒
日本豉油 4湯匙
雞湯 50ml
味琳 4湯匙
糖 1湯匙
木魚絲 大約一湯匙 (用茶包 / 煲魚袋 裝好)
鹽 兩茶匙
水 500ml
做法
1) 所有野放入大煲大滾 1 分鐘
2) 落蘿蔔, 轉細火蓋上蓋煮 5 分鐘, 熄火焗 30分鐘
3) 再細火滾起煮 5分鐘, 再焗 15分鐘即可
tips
可以落多少少日本麵豉 同埋 日本既珍珠蠔 / 蜆
題外話
我諗大家睇得我個blog 既 blogger 都鍾意食野架啦可~~~
咁一定會成日出街食野, 試新野架啦
我以前好誇張架
我可以夠膽講 兩年前既 銅鑼灣 我食過最少 一半以上既餐廳
openrice, 你search 銅鑼灣, 頭 15頁 我只有10間冇食過
因為我鍾意餐餐都唔一樣餐廳, 成日試新野
但係可惜既係, 好多時都唔好食
餐廳冇心滿足食客, 只係想滿足自己既銀包
而且好多時都同d 廚師冇真正既溝通
導致廚房既權力大過老細
冇錯, 咁樣可能係一件好事
但係好多廚房 偏偏 利用lee 個 權力去 懶惰
煮得好唔好食都唔關我事架啦, 又唔係我食
自從打blog開始, 我就好少可出街食飯
好少可試新野..
如果你問我有咩好介紹, sorry, 我真係答你唔出
我都係 揀番 我以前成日去食既餐廳
同埋 自從0係屋企煮得多野食之後
我同女皇個咀好 奄尖
乜都彈 一餐.....覺得出街食野好貴
好唔值得
不過 如果 係 日本野 我就唔同講法
我講既係真正 用心既日本餐廳
而唔係 港式果d.......
人地收你 300蚊一個三色丼 都有佢既道理
日本師傅對食物既認真程度真係令人尊敬
唔似得中式食物乜都落 MSG
仲搞笑到宜家好多餐廳講明唔用 味精
唔落唔落, 但係你d 雞粉, 豉油 本身就有味精呢...
自問煮野食唔係好, 但係我可以煮到好似出面可以食到既味道
但係就唔會落味精囉......
喂, 大佬呀, 我一個咁普通既人都可以煮到
點解你地就偏佩要落味精呢?
無啦啦做咩會講埋d咁既野呢?
因為琴日去食左間 香港飯堂既野
食物 唔得, 環境唔得, 員工唔得, 老細仲唔得......
