堅燒

2010年2月25日 上午11:09


堅燒


lee 間野都開左好耐架喇
見佢門面都好似幾貴咁

我心諗, 食串燒姐, 通街都有啦
貴既中環都有, 平既香港東區都有幾間
石澳喎大佬, 唔係楂住架車都唔會入黎無啦啦搵野食......
不過琴日唔知咩事屎忽咁痕

無啦啦話想入去石澳搵野食......(石澳有幾多間野食丫~~~)
又唔知點解一去到柴灣斜路就想去食 石澳入面果間串燒
好喇....泊好車, 行到入去見有枱客
坐底左次後先發現原來果廿幾人都係自己人...
只係得我同女皇係真真正正既客人
算啦, 都係食野姐.....

大隻佬哥哥拎個餐牌俾我地睇...
食物種類唔多....都正路既食物
唔講咁多喇

.....睇相啦....

坐底唔理咁多, 叫野飲先........成日都冇飲過野..

個環境唔錯, 同朋友飲下啤酒食下串燒一樂也...

點完, 過左 10分鐘就有野食喇
左: 牛肋骨條肉 - hk$18
右: 雞心 - hk$13
嘩, 我第一次食到咁好食既牛肋骨條肉

佢好食在於夠肥先啦, 肉味夠勁, 外面夠脆入面多汁, 鹹鹹香香咁.......
而個雞心都好好食, 唔會好似出面咁好軟身, 佢燒完出黎仲好爽口.....仲留番d雞心味

鵪春蛋 - hk$15

簡簡單單既 鵪春蛋 都可以俾佢燒得咁好食

仲以為會整到個面好乾身好硬, 丫又唔係喎....

入面仲好軟熟, 佢燒果時落d燒汁又香

廣島蠔 - hk$20

我未食就知佢一定好好食好香口...

我用筷子篤下佢, 都好軟身

再反轉身睇下, 有好香既蒜蓉, 再聞到有好勁既 蔥香牛油香

都知好食啦....下話!!

一食落口, 喎................鮮到佢丫.......仲要入面好多汁..............

嘩.............20蚊.....咋.....好想encore.....

白鱔 - hk$18

我冇咩好講, 因為唔係我食......我好怕食...

女皇自己一個食

, 見佢一食落口就笑騎騎咁望住我

問我" 你真係唔試下呀? 好好食喎"

不過客觀d咁睇, 個樣又真係好吸引既............

稻庭烏冬 - hk$18

我睇餐牌果時叫lee 個叫係想飽肚d......

所以對佢都冇咩特別期望...

點知佢叫我好失望........好失望....

點解可以有一碗咁好食既稻庭烏冬架!!!!!!!!!

嘩, 我真係冇諗過會咁好食....

最精彩係個湯.....

我飲落去好有魚味...好鮮......飲得出最少有兩種魚去煲.......

d 烏冬 吸曬d 湯既味.......嘩.........真係無得頂呀!!

btw, 我問番個大隻佬哥哥 係用左咩魚去煲

佢同我講   " 下? 咩話, um 係豬骨湯黎架"

oh....雖然都知出面街好多間鋪頭煲豬骨湯果時都會煎條魚放入去,

等d湯可以白d......但係......豬骨味就食唔出喇....

反而變左一個好好飲既魚湯.........

lee d 算唔算係成功呢~?

 帶子 - hk$15

15蚊 兩隻大大隻既帶子喎!!!!

好鬼好食...........15蚊咋.......30蚊都俾啦.....咁好食...

茄子 - hk$10

茄子味濃.........燒汁夠香

食燒茄子最驚燒到入面好乾

會搞到有好勁既 草青味...

佢又唔係喎, 佢似一路燒一路係咁落水 / 汁

所以食落去好軟滑...

左: 蟹捧肉 - hk$10
中: 雞皮 - hk$13
右: 雞肉蔥串 - hk$12

蟹捧肉......

又係另一樣出奇地好食既野.........

如果唔打開隻眼, 我仲以為係食緊帶子添

雖然唔知係咩蟹捧, 不過就真係好好食囉

雞皮都okay 既........都好脆好香...不過因為佢串得太多

令到有d地方燒唔到, 冇咁脆....

雞肉蔥串就麻麻地啦........冇咩特別

最好既係佢d 雞冇雪味囉

.....麻麻地啦....

雞頸肉 - hk$12

一上枱果時都唔知係咩黎......

我係咁諗, 我叫左咩呢......咩黎架呢.....

算啦, 食落口先......e?! 雞肉黎既~~

又幾好食喎.....夠油香....

咩黎架呢.......係咁諗......我有叫咩.....

再睇下張單

........原來係雞頸肉

係我自己劃錯....本身諗住要豬頸肉

哈哈, 算啦, 都好好食........哈哈....

牛舌 - hk$18

3塊都係 18蚊.........仲想點.......

真係好好食....如果有一碗白飯就好喇......

雞肝 - hk$13

自問我係一個鍾意食雞肝既人

佢未係最好食既一間

不過都已經好好, 佢唔會燒到個外皮好乾好硬

而且入面又有d入口少少溶 既感覺

好難得做到咁架喇...食得過食得過......

門口可以泊車, 只要同大佬隻

講聲就得架喇.....

不過我冇泊門口....下次啦...

總結 : 都唔知有咩好講.......埋單兩個人都係食左 264蚊......仲想點.....

雖然食左唔多野, 仲差少少先飽, 不過心靈上既滿足一定比肉體上既大

我一定會介紹俾好多人黎食架, 因為太抵食喇.......

如果lee 餐飯叫我俾 400蚊, 我都會俾.......

地點： 石澳石澳村209號地下