2010年4月07日 上午11:00
金蠔意粉
你冇睇錯.....係金蠔...!!哈哈
唔講咁多, 睇左相先..
睇下我點整先.....
準備幾隻特大金蠔, 解凍
準備洋蔥蓉, 超細既蓉..
磨薑汁
大火隔水蒸 8分鐘
其中三隻先處理, 變成超細細細細粒
lee 個時候 開水煮定意粉, 煮到 6 成熟
落少少油爆香d金蠔, 落 2 ts 薑汁
落滾水, d 水會即時有少少白色....
滾起落1/4 個洋蔥, 中火煮 10分鐘左右
落埋隻金蠔, 煮多 5 分鐘
落埋d 意粉, 煮 到 9成熟, 可以拎起d 意粉上碟
留番d水, 調味, 落鹽, 胡椒粉, 之後打茨, 不過要用馬蹄粉 開茨.....要煮到比較杰身
食既時間一定要落七味粉
哈, 搞掂......
女皇一路見我煮, 一路問" 你煮咩呀"
我一路唔答佢,
女皇就 " 咩黎架, 又金蠔又意粉........eeee"
但係到佢落入口果時 就話 "
eee 得唔得架"到食完第一啖就話" 嗯嗯, 好好食喎...原來咁好食架"
食到有金蠔味, 有薑汁味..
好簡單既味道, 但係就好夾
TIPS:
金蠔要肥大......切既時候要有咁細得咁細, 同埋一定要靚金蠔囉, 如果唔係會鯹鯹地
要多少少薑汁, 最好3到個汁有薑味....
