0係街市見到個咁既瓜, 一個賣 76蚊, 唔知有冇俾人呃
不過我只係知佢即刻切左個蘋果俾我食....咁你話喇~~
我見個瓜都幾香, 又甜......不過咁大個, 屋企又冇人食
咁當然要諗方法 KO 佢啦........原本又想整雪糕既
不過屋企咁0岩又冇蛋....
咁整雪芭 囉......嘿.!!! 點知原來又冇普通既砂糖.....真係玩死
我又唔想叫女皇幫我落街買......咁牙......
咁整冰沙啦, 仲過癮啦, 又冇咁內疚...
材料 (二人份)
哈蜜瓜汁 300ml
檸檬汁 一湯匙
雲利拿糖 兩湯匙
普通砂糖 兩湯匙
Vodka 一湯匙
Whisky 兩湯匙
做法
1) 哈蜜瓜汁中火煮至滾起落雲利拿糖, 糖 及檸檬汁, 略煮至糖溶
2) 放入器皿待涼 (可座凍水加快速度), 拌勻 Vodka 和 Whisky
3) 放入冰格45分鐘 取出 用 叉子 不停插, 放回冰格再每30分鐘插一次, 重複四次 即可
Tips
其實可以唔落咁多糖架, 睇你個瓜甜唔甜, 同埋睇你想食幾甜啦
因為 lee 個唔係 雪芭 / 雪糕, 所以唔需要咁多糖份
同埋 lee 個甜品 係俾你清一清味蕾, 可以當做甜品又得
0係 兩道肉食主菜中間 食又得.
唔錯架, 除左 哈蜜瓜之外, 其他生果都一樣可以用同一個做法
題外話
睇片 啦~~~~ 我都覺得自己好低能兒
0岩0岩0係 facebook 開左個 page, 希望大家入黎 "like" 啦
東主有喜' facebook page
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博
宜家冇咩人 關注 同埋 like 架咋
有你地支持, 我會有更多既動力
