蕃茄蛋豬扒
一個簡單開胃既餸
買左 20蚊有骨豬扒, 15蚊蕃茄 同埋兩隻蛋
1) 用生抽老抽糖生粉油胡椒粉醃豬扒 30分鐘
2) 炒兩隻蛋, 整碎, 備用
3) 開鑊煎豬扒至兩面金黃色, 大約 8 成熟, 拎起攤凍切件備用
4) 蕃茄 一開 八, 用1/4 杯水去煮, 同埋 落 1/4杯雞湯
煮大約 10分鐘左右落幾湯匙既茄汁, 再落一湯匙唸汁
試一試味, 可以落少少生抽 吊一吊味
5) 可以一次過落雞蛋同埋豬扒, 煮大約 5分鐘, 豬扒熟左可以打少少茨, 上碟
p.s. 我 買豬扒番黎唔會拍佢, 因為我覺得如果一塊豬扒靚, 唔洗拍都好食
同埋可以試多幾次味, 試下d蕃茄香唔香甜唔甜, 可以自己落多少少茄汁 / 糖
題外話
都唔知點解次次upload 上yahoo d 相就變得灰灰地黑黑地咁.....好似唔夠光咁
又好似有層 野隔住左咁...
搞到張相好樣衰...!!!!!!!!!!!!!!!! 次次都好嬲!!
題題外話
女皇 上網見到有個web site 整 lee 個咁得意既 東主
我都都冇諗過0係女皇眼中係咁可愛...哈哈.........
多謝女皇..
